Դիվանագիտական Ամանորյա բարեգործական 9-րդ տոնավաճառ

07 դեկտեմբերի, 2019

Օդեսայում ՀՀ գլխավոր հյուպատոսությունը ս.թ. դեկտեմբերի 7-ին մասնակցեց Օդեսայում արդեն ավանդույթ դարձած 9-րդ «Դիվանագիտական Ամանորյա բարեգործական տոնավաճառ»-ին:

Բացման արարողությանը ներկա էին Օդեսայի մարզի նահանգապետ Մաքսիմ Կուցիյը, Օդեսայի քաղաքապետ Գ.Տրուխանովը, Ուկրաինայի ԱԳՆ, մարզային և այլ պետական մարմինների ու հասարակական կազմակերպությունների ներկայացուցիչներ:

Տոնավաճառի հայկական տաղավարում ներկայացված էին հայկական ավանդական ուտեստներ, քաղցրավենիք, կոնյակ, ազգային հուշանվերներ:
Միջոցառման համերգային հատվածի ընթացքում ներկաներն առիթ ունեցան ունկնդրելու Օդեսայի հայ համայնքի «Արաքս» վոկալ խմբի և «Սուրբ Գրիգոր Լուսավորիչ թոռներ» գրական-ազգագրական ստուդիայի սաների կատարումները:

9-րդ «Դիվանագիտական Ամանորյա բարեգործական տոնավաճառ»-ի կազմակերպչական աշխատանքներում իր ուրույն և ակտիվ մասնակցությունն ունեցան Օդեսայի հայ համայնքի կանանց կոմիտեն և երիտասարդ մայրերի միությունը:

Վաճառքից գոյացած հասույթին գնվել են բժշկական սարքավորումներ Օդեսայի թիվ 1 ծննդատան և Օդեսայի մարզային մանկական կլինիկական հիվանդանոցի համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր